Back

MERI Forum 2014 | Welcome Speech

.

Welcome Speech by MERI President Dlawer Ala’Aldeen

Date: 04/11/2014

Excellencies, distinguished guests, ladies and gentlemen, Welcome to MERI Forum 2014.  This is the Middle East Research Institute’s inaugural Forum, which is already promising to be an exciting event for both our participants in this hall as well as our audiences who are now with us live on several channels.

A quick look at the programme will show the great line up of policy-makers, decision-makers, academics, diplomats and opinion-leaders.  I hope you enjoy the Forum and use this opportunity to exchange ideas, widen your networks and, more importantly, actively engage in lively debates and serious dialogue about our collective future.  The ultimate objective here is to help our leaders to initiate the first step of a 1000 mile long journey towards reconciliation in the neighborhood.


ضيوفنا الكرام، السيدات والسادة،

مرحبا بكم في الملتقی الأول لمٶسسة الشرق الأوسط للبحوث، والمعروفة بميری.  أشكركم علی حضوركم و أتمنی لكم أوقاتا مثمرة‌، مليئة بالتفاعل الحيوي و الحوار الحر البناء من اجل الوصول الی رؤی مشتركة لحل المشاكل العالقة في المنطقة، والبدء بعملية المصالحة الشاملة.  وأرجو ان تستغلوا هذه الفرصة لتوسعوا من شبكة علاقاتكم المهنية والسياسية والدبلوماسية، ليعود ذلك بالخير على أهلنا في بيتنا الكبير، ألا وهو الشرق الاوسط


خوشك و برايان، ميوانانی به‌ڕێز

زۆر به‌خێر بێن بۆ ديداری مێری، يه‌كه‌م ديداری نێونه‌ته‌وه‌يی ئينستيتوتی ڕۆژهه‌ڵاتی ناوه‌ڕاست بۆ توێژينه‌وه‌. ئاماده‌بوونی به‌ڕێزتان له‌و‌ ديداره‌ و له‌ پايته‌ختی هه‌رێمی كوردستاندا مايه‌ی خۆشحاڵی و شانازيمانه‌.  زۆران له‌ ئێوه‌ له‌ دووره‌وه‌ هاتوون و ئه‌زيه‌تتان كێشاوه‌، كه‌ ئه‌وه‌ش گرنگی  ئه‌و ديداره‌ له‌و كات و ساته‌ هه‌ستياره‌‌دا ده‌رده‌خات.  دياره‌ كه‌ له‌ ئێستادا پێويستیه‌كی زۆر له‌ نێو نه‌ته‌وه‌كانی ناوچه‌ی ڕۆژهه‌ڵاتی ناوه‌ڕاست هه‌يه‌ بۆ ده‌ست پێكردن بە پڕۆسه‌يه‌كی جيددی بۆ ديالۆگ و ئاشته‌وايی و دۆزينه‌وه‌ی ڕێگاچاره‌ بۆ كێشه و قه‌يرانه‌‌ ئاڵۆزه‌كان.

به‌ڕێزان، مێژووی ئه‌و ‌دواييه‌ی ڕۆژهه‌ڵاتی ناوه‌ڕاست‌ پڕ بووه‌ له‌ زنجيره‌يه‌ك شه‌ڕ و ململانێی تێكده‌ر به‌ جۆرێك كه‌ سيمای توندو تيژی و جه‌مسه‌رگيری به‌سه‌ر هه‌ڵوێسته‌كاندا زاڵ بووه‌ و ئارام كردنه‌وه‌یان كارێكی ئاسان نه‌بووه‌‌. ده‌ره‌ئەنجامه‌ سياسی و مرۆڤايه‌تيه‌كانی ئه‌و شه‌ڕ و ململانێيانه‌ش زۆر به‌ گران له‌سه‌ر ناوچه‌كه‌ و خه‌ڵكی ناوچه‌كه‌ وه‌ستاون. ئه‌وه‌تا ئيمڕۆ ڕۆژهه‌ڵاتی ناوه‌ڕاست بووه‌ته‌ ناوچه‌يه‌كی تێكه‌ڵ له‌ ده‌وڵه‌تانی به‌هێز و لاواز، له‌ ڕژێمی سه‌ركه‌وتوو و په‌ك كه‌وتوو.  له‌ زۆرياندا‌ پڕۆسه‌ بنه‌ڕه‌تيه‌كانی فه‌رمانڕه‌وايه‌تی دروست و گه‌شه‌ی ئابووری به‌رجه‌سته‌ نه‌كراوه، به‌و هۆيه‌شه‌وه‌ زه‌مينه‌ بۆ هێزه‌ توندڕه‌وه‌كان بايی ئه‌وه‌نده‌ خۆش بووه‌ كه‌ توانيويانه‌ ببنه‌ بڕيارده‌ر له‌سه‌ر ئاينده‌ و نه‌خشه‌ی سياسی ناوچه‌كه‌.

ئيمڕۆ خه‌ريكه‌ گۆڕانكاری بنه‌ڕه‌تی و مێژوويی به‌سه‌ر نه‌خشه‌ی سياسی و ئابووری و كۆمه‌ڵايه‌تی ڕۆژهه‌ڵاتی ناوه‌ڕاستدا دێت. له‌ ده‌ره‌ئەنجامی ئه‌و ئه‌زموون و قه‌يرانانه‌دا، و به‌هۆی دوودڵی و دابه‌زينی ئاستی متمانه‌ی نێوان هێزه‌ كاريگه‌ره‌كان، توانای هاوكاری كردن له‌ نێوانياندا لاواز بووه‌. ده‌ستپێشخه‌ری كردن له‌ نێوان هێزه‌ به‌شداره‌ سه‌ره‌كيه‌كانی ڕۆژهه‌ڵاتی ناوه‌ڕاست، به‌ تايبه‌تی له‌ ده‌وڵه‌تی عيراقدا، بووه‌ته‌ كارێكی ده‌گمه‌ن، ئه‌وه‌ش هه‌ر خۆی بووه‌ته‌ به‌ربه‌ستێكی به‌رچاو له‌به‌رده‌م ئه‌و جۆره‌ ديالۆگه‌ هه‌مه‌لايه‌نانه‌‌ی كه‌ ناوچه‌كه‌مان له‌ هه‌موو كاتێكی پێشتر پێويستی زياتر پێيه‌تی‌. ئه‌زموونی ئه‌وروپا له‌ دوای شه‌ڕی جيهانی دووه‌م نيشانی داوه‌ كه‌ هاوكاری نێوان كۆمه‌ڵگا و وڵاتانی ناوچه‌كه‌ و به‌دامه‌زراوه‌كردنی پڕۆسه‌ی ديالۆگ توانای ئه‌وه‌يان هه‌يه‌ كه‌ به‌سه‌ر ڕه‌وت و پاشماوه‌ی شه‌ڕی تێكده‌ردا زاڵ ببن.

وه‌ك ده‌بينن، ديداری مێری پلاتفۆرم و زه‌مينه‌يه‌كی له‌بار ده‌ڕه‌خسێنێ بۆ ئه‌وه‌ی هه‌موو لايه‌نێك ئاوڕێك له‌ هه‌ڵه‌كانی ڕابوردوو بداته‌وه‌ و هه‌نگاوێكيش به‌ره‌و پێشه‌وه‌ بنێت تاوه‌كو ده‌ست به‌ ديالۆگێكی جيددی و پڕ به‌رهه‌م له‌گه‌ڵ هێزه‌كانی تر بكات، و به‌‌يه‌كه‌وه‌ بير له‌ ئاينده‌ی ناوچه‌كه‌ بكه‌نه‌وه‌‌.  به‌ڵگه‌نه‌ويسته‌ كه‌ ئه‌ركی ده‌ست پێكردنی پڕۆسه‌ی ديالۆگ و ئاشته‌وايی له‌ ناوچه‌ی ڕۆژهه‌ڵاتی ناوه‌ڕاست له ئه‌ستۆی سياسه‌ت داڕێژه‌ر و بڕيارده‌رە‌ لۆكالی و ناوچه‌ييه‌كانه‌ به‌ پله‌ی يه‌كه‌م.   ئه‌وانه‌ له‌ ڕێگه‌ی ديالۆگی ڕاسته‌وخۆ و پێكه‌وه‌ كار كردن ده‌توانن ڕه‌وتی تووندڕەوی پێچه‌وانه‌ بكه‌نه‌وه‌، و ده‌ست به‌ پڕۆسه‌ی نيشتيمانسازی بكه‌ن و سيسته‌می فه‌رمانڕه‌وايه‌تی دروست دابمه‌زرێنن.  هيوادارم كه‌ سه‌رجه‌م ئه‌وانه‌ی كه‌ له‌و ديداره‌ی مێری دا ئاماده‌ن ئه‌و ده‌رفه‌ته‌ زێڕينه‌ بۆ ده‌ستپێكردنی ديالۆگ و ئاشته‌وايی بقۆزنه‌وه‌ و ڕوانگه‌ی هاوبه‌ش بۆ ئاينده‌ی ڕۆژهه‌ڵاتی ناوه‌ڕاست له‌خۆ بگرن.

له‌ كۆتاييدا، حه‌ز ده‌كه‌م ئاماژه‌ به‌و ڕاستيه‌ بكه‌م كه‌وا ديالۆگ و ئاشته‌وايی به‌بێ به‌شداری چالاكانه‌ی نيوه‌ گرنگتره‌كه‌ی كۆمه‌ڵگا، واته‌ به‌بێ به‌شداری ئافره‌تان (دايكان و خوشكان و شه‌ريكی ژيانی پياوان) سه‌رناكه‌وێ.  شاراوه‌ نيه‌ كه‌ له‌ عيراقی ئيمڕۆدا ڕۆڵی ئافره‌تان له‌ نێو بڕيارده‌ران و داڕێژه‌رانی سياسه‌تی ڕۆژهه‌ڵاتی ناوه‌ڕاست زۆر به‌ زه‌قی پشتگوێ خراوه‌.  ئه‌وه‌ش له‌ دوای نزيكه‌ی ده‌ ساڵ له‌ له‌خۆگرتنی ده‌ستووری نوێ دێ.  بۆيه‌ وا له‌ سه‌ركرده‌كان چاوه‌ڕوان ده‌كه‌ين كه‌ له‌ كاتی داڕێژتنی پڕۆژه‌ياسا و ڕێسای نوێدا و‌ له‌سه‌ر بنه‌مای ده‌ستووردا پشكی ئافره‌تان له‌سه‌رتاپای سيسته‌می فه‌رمانڕه‌وايه‌تدا بچه‌سپێ.

زۆر سوپاسی هاوكارانم ده‌كه‌م له‌ ئينستيتيوتی مێری و ده‌ره‌وه‌ی مێری بۆ هه‌وڵ و هيمه‌ته‌كانيان بۆ سه‌رخستنی ئه‌و ديداره‌.  سوپاسی سه‌رجه‌م ئه‌و به‌ڕێزانه‌ ده‌كه‌م كه‌ ڕازی بوونه‌ ووته‌يان هه‌بێ له‌و ديداره‌ و سوپاسی ئێوه‌ی به‌ڕێز ده‌كه‌م بۆ ئاماده‌بوونتان.  ديداری مێری ده‌رفه‌تێكی بێ هاوتايه‌ بۆ ئه‌وه‌ی هه‌ر يه‌كه‌ له‌ ميوانه‌ به‌ڕێزه‌ ئاماده‌ بووه‌كان تۆڕی په‌يوه‌نديه‌كانيان فراوان بكه‌ن و له‌ ئاينده‌دا سوودیان لێ ببينن.

هه‌ر سه‌ركه‌وتوو و سه‌رفراز بن

Comments are closed.