پوختەی پێشنیازەكانی
كۆنفرانسی عەممان (٢ ی حوزەیرانی ٢٠٢٥)
1- دیدگا و كارایی
- پەرەپێدانی ستراتیژ: هاندانی وڵاتانی شام و عێراق بۆ داڕشتنی دیدگایەکی ستراتیژی کە ڕەگ و ڕیشەی لە بەرژەوەندییە هاوبەشە ناوچەییەکاندا بێت، لەگەڵ ئەولەویەتدان بە هاوکاری و سەروەری هاوبەش، دوور لە كاریگەرە دەرەکییەکان.
- بەهێزکردنی ئاستی كاریگەرێتی ناوچەكە لەڕێگەی کۆڕبەندەوە: کۆڕبەندی لێڤانت و عێراق وەک سەکۆیەکی کۆکەرەوە بەکاربهێنرێت بۆ پشتگیریکردن لە دەستپێشخەرییە ناوخۆییەکان، هەماهەنگی گفتوگۆکان، و پەرەپێدانی پڕۆژە و هاوبەشییەکان بە خاوەندارێتی خۆماڵی و ناوچەیی.
- پەسەندکردنی مۆدێلێکی نەرم و نیان و گشتگیر بۆ بەڕێوەبردنی كۆڕبەند، بە سەرکردایەتی خولاو و جۆرێك لامەركەزیەت کە دامەزراوە ناوچەییە جۆراوجۆرەکان بتوانن دەستپێشخەرییەكان بە شەفافیەت و هەماهەنگییەوە بزوێنن.
٢- حوکمڕانی دروست و دادپەروەری
- هاندانی مۆدێلی حوکمڕانی دروست و لامەرکەزی لە لێڤانت و عێراق، لەسەر بنەمای جوگرافی بۆ بەرزکردنەوەی خاوەندارێتی خۆماڵی و حوکمڕانی شەفاف، بە تایبەت لە دەوڵەتە لاواز و ناسکەکاندا.
- دڵنیابوون لە بەشداریکردنی ژنان، گەنجان، کەمینەکان و کۆمەڵگا پەراوێزخراوەکان لە هەوڵەکانی بنیاتنانی ئاشتی و دەوڵەتسازیدا.
- بەهێزکردنی سیستەمی دژە گەندەڵی و پشتگیریكردنی ئەو چاکسازیانەی حوکمڕانی کە کاریگەری هێزە ناحكومیەكان کەم دەکەنەوە، متمانەی مەدەنی بەرز دەکەنەوە، و دامەزراوەی لێپرسینەوە لە سەرانسەری ناوچەکەدا بنیات دەنێن.
- ئەولەویەتدان بە دادپەروەری ئینتقالی و چاکسازی یاسایی لە رێگەی دامەزراندنی میکانیزمی باوەڕپێکراو بۆ لێپرسینەوە و ئاشتەوایی بۆ چارەسەرکردنی پێشێلکارییەکانی ڕابردوو و ڕێگریکردن لە راكردن لە سزای.
٣- بوژانەوە ئابووری
- زیادكردنی هاوکاری و لێكبەستنەوەی ئابووری هەرێمی، لە رێگەی ئەولەویەتدان بە دەستپێشخەرییە سنووربەزێنەكان لە بواری وزە، بازرگانی، کشتوکاڵ و ژێرخانی دیجیتاڵیدا بۆ بەرزکردنەوەی گەشەپێدانی هاوبەش و وابەستەیی یەکتر.
- بەستنەوەی ئاوەدانکردنەوە بە گەشەی گشتگیر و یەکسانی کۆمەڵایەتی. لەوانەش پشتگیری بیزنسی بچووك و مامناوەندی، ڕەخساندنی هەلی کار و گەشەپێدان بەجۆرێك كە كەرامەتپارێز بێ.
- سوودوەرگرتن لە گواستنەوەی سیاسی عێراق و جوگرافیای سوریا بۆ بەهێزکردنی بازرگانی ناوچەیی و گەڕانەوەی پەنابەران و جووڵەی کار.
4-نیشتیمانسازی و سەرمایەی مرۆیی
- پێشخستنی نیشتیمانسازی و بنیاتنانی ناسنامە لە رێگەی پێشخستنی چاکسازییەکان کە ناسنامەی فرەنەتەوەیی و دەوڵەتی هاوبەش و گشتگیر بنیات بنێن، بەتایبەتی لە کۆمەڵگا دابەشبووەکاندا.
- تەمكینی گەنجان، ژنان و گروپە پەراوێزخراوەکان وەک هاوبەش لە بڕیاردان: پێویستە سیاسەت و دەسەڵاتدارێتی لە نوێنەرایەتیەوە تێپەڕین بۆ بەشداریکردنی چالاک بە چەسپاندنی ئەم گروپانە لە داڕشتنی ستراتیژی ناوچەییدا.
- هاندانی سینگفراوانی ئایینی و کولتووری و مەدەنی، لە رێگەی پشتگیریكردن لە بەرنامە سنووربەزێنەکان کە متمانە و لێکتێگەیشتن و هاوکاری لە سەرانسەری کۆمەڵگا لێكترازاوەكان دروست دەکەن.
5- زانیاری و توێژینەوە و پەروەردە
- دەستپێکردنی پرۆگرامی توێژینەوە و تواناسازی (سكۆڵەرشیپ) و ئاڵوگۆڕکردنی زانستی و هاوڕێیەتی ئەکادیمی و راهێنانی هاوینە بە شێوازی سنووربەزێن بۆ بەهێزکردنی هاودەنگی ناوچەیی.
- دامەزراندنی پلاتفۆرمی هاوبەش بۆ ئاڵوگۆڕی زانیاری و داتا، لە رێگەی دروستکردنی ناوەندێکی دیجیتاڵی کراوە بۆ هاوبەشکردنی توێژینەوە، داتا و ئامرازەکانی دیكەی پۆڵەسی بۆ بڕیاردانی ئاگادارانە.
- دروستکردنی تۆڕێکی ناوچەیی لە لایەنە بیرمەندەکانەوە بۆ پەرەپێدانی هاوکاری لە نێوان دامەزراوەكانی توێژینەوە و داڕێژتنی پۆڵەسی و گوتار و ڕێنماییکردنی ئەجێنداکانی چاکسازی.
6- ئاسایش و یەكڕیزی و خۆڕاگری
- دەستپێکردنی گفتوگۆی گشتگیر بۆ داهێنانی تەلارسازییەکی نوێ بۆ ئاسایشی ناوچەیی، واتە داڕشتنی چوارچێوەیەکی نوێی ئەمنی كە پەیوەست بێ بە داینامیکی نوێی ناوچەیی بەجۆرێك كە لە لێكترازانی جیۆپۆلەتیکی کەم بکاتەوە.
- پشتگیریكردن لە چاکسازی ئاسایشی لەسەر بنەمای ئاوێتەكردنەوە (نەك مۆدێلە سەرنەكەوتووەكانی چەكداماڵین). واتە ئاوێتەكردنەوەی هێزە چەكدارەكان وەک بەشێک لە چاکسازی لە کەرتی ئاسایشی نیشتمانی.
- پێداچوونەوەی بابەتی کۆچ و ڕادیکاڵبوون وەک پرسی ستراتیژی: چارەسەرکردنی ئاوارەیی و توندڕەوی لە ڕێگەی کەرامەتی ئابووری و گەشەپێدانی گشتگیر و هاوکاری لەگەڵ هاوبەشە نێودەوڵەتییەکان.