Back

دیداری ٢٠١٤

 دیداری مێری ساڵی ٢٠١٥

٣-٥ نۆڤەمبەر/تشرینی دووەم 

***   ***   ***

گرنگترین تەوەرەکانی دیداری مێری ساڵی ٢٠١٤

ڕۆژهەڵاتی ناوەڕاست لە قۆناغی گواستنەوە: پێویستی دیالۆگ و ئاشتەوایی

٤-٦ نۆڤەمبەر/ تشرینی دووەم ٢٠١٤

هۆتێل رۆتانا، هەولێر، هەرێمی کوردستانی عێراق

 

یەکەمین دیداری ئینستیتیوتی رۆژهەڵاتی ناوەڕاست (دیداری مێری ٢٠١٤) لە بەرواری ٤-٦ نۆڤەمبەر/تشرینی دووەم ٢٠١٤ لە هۆتێل ڕۆتانا لە شاری هەولێر، هەرێمی کوردستانی عێراق ئەنجامدرا.

دیداری مێری ٢٠١٤، بڕیاربەدەستان (بڕیاردەران)، ئەکادیمیان و پێشەنگانی خاوەن بیروڕای بەیەکەوە کۆکردەوە بۆ گفتوگۆکردنی کۆمەڵێک پرسی سیاسیی، ئابووری و کۆمەڵایەتی. لە ماوەی ٣ رۆژدا، دیداری مێری هەڵسا بەڕەخساندنی زەمینەیەک (سەکۆیەک) بۆ دیالۆگ و ئاشتەوایی هەروەها دابینکردنی وەڵامی بنیاتنەر و داهێنەرانە بۆ کۆمەڵێک پرسی سیاسیی.    

زەمینەسازی بۆ گفتوگۆ

دیداری مێری ڕووداوێکی گرنگ بوو کە سەرۆک کۆمار و سەرۆکی ئەنجومەنی نوێنەرانی عێراق و هەروەها سەرۆک وەزیرانی ئێستا و پێشووی حکومەتی هەرێمی کوردستان تێیدا بەشداربوون بۆ گفتوگۆکردنی چەندین پرسی سیاسیی هەنووکەیی. وەک یەکەمین ڕووداوی لەو جۆرە لە عێراق، سیاسەتمەداران دەرفەتێکیان بۆ ڕەخسا بۆ وەڵامدانەوەی پرسیاری ئامادەبووان کە لە دیپلۆماتکاران، ئەکادیمیان، خوێدنکاران پێکهاتبوون.   

 بۆ یەکەمجار لەدوای پێشڕەویەکانی دەوڵەتی ئیسلامی لە عێراق و سوریا بڕیاربەدەستان و پسپۆرانی ئەکادیمی توانییان بە کراوەیی گفتۆگۆی پرسە هەستیار و ئاڵۆزەکان بکەن، ئەمەش گرنگی زیاتری بەخشی بە دیدارەکە. گفتۆگۆکان چەندین بابەتی جیاوازیان لە خۆگرت کە کاریگەریان هەیە لەسەر عێراق، کوردستان و ناوچەکە بە گشتی. هەموو گفتوگۆکان لە کەشێکی ئاسایی و بێلایەن بەڕێوەچوون و دیدارەکە ئەم بابەتانەی خوارەوەی تاوتوێکرد:   

  • (چارەنووسی) ناوچە کێشە لەسەرەکان
  • جەنگی دژ بە داعش
  • بەشداریپێکردنەوەی سوننەکان: هەل و ئەگەرەکانی سەرکەوتن
  • سیستەمی سیاسیی نوێی ڕۆژهەڵاتی ناوەڕاست: هەڕەشە و دەرفەتەکان  
  • دیالۆگ و ئاشتەوایی: پرۆسەی نیشتیمانسازی (بنیاتنانی نەتەوە) لە عێراق
  • ئیران و وڵاتە یەکگرتووەکان: کاریگەری گۆڕانی پەیوەندییەکان
  • رۆڵی تورکیا لە ناوچەکە
  • هەرێمی کوردستانی عێراق: پابەندبوونی سیاسیی یان سەربەخۆیی ئابووری

پەرەپێدانی دیالۆگ و ئاشتەوایی

ئامانجی بنچینەیی دیداری مێری بریتی بوو لە پەرەپێدانی ئاشتی، سەقامگیریی و بوژاندنەوە لە تەواوی ڕۆژهەڵاتی ناوەڕاست لە ڕێگەی دیالۆگ و ئاشتەوایی. مێری پێی وایە پرۆسە و کلتوری دیالۆگ و ئاشتەوایی کلیلی سەقامگیری درێژخایەنە لە عێراق و تەواوی ڕۆژهەڵاتی ناوەڕاست.

لە میانەی دیدارەکەدا، سەلیم جبوری سەرۆکی ئەنجوومەنی نوێنەرانی عێراق (پەرلەمانی عێراق) پێشنیاری دامەزراندنی ئەنجوومەنی ژیران (حەکیمان) لە عێراق. ئەم ئەنجوومەنە دەتوانێ کاربکات لەسەر بیرۆکەی دیالۆگ و ئاشتەوایی لە عێراق و فواد مەعسوم سەرۆک کۆماری عێراق وەڵامێکی دڵخوازی پێشنیارەکە بداتەوە. سەلیم جبوری پێشنیازیکرد کە سەرۆک کۆمار خۆی سەرۆکایەتی ئەم ئەنجوومەنە بکات و سەرۆک کۆماریش رەزامەندی نیشاندا. مێری هیواخوازە کە ئەمە وەکو دەرئەنجامێکی ئەرێنی درێژخایەنی دیدارەکە بمێنێتەوە و یارمەتیدەربێت بۆ پەرەپێدانی کلتوری دیالۆگ لە سەرانسەری ڕۆژهەڵاتی ناوەڕاست.

بۆ بینینی ڤیدیۆ و وتارەکان، کلیک لێرە بکە